Sovereign Gold Bond (SGB) Nivesh Me Badhotri: Sone Ki Kimaton Ne Fir Se Logon Ko Aakarshit Kiya. 14 April Ko Sone Ki Kimaton Ke 72,500 Rupees Prati 10 Gram Tak Chhoone Ke Baad Se August Aur September, 2024 Shreni Ke SGB Bechne Ke Liye Boliyan Badh Rahi Hai.
SGB Aapko Bhautik Sone Se Jude Bhandaran Aur Shuddhata Ki Chinta Ke Bina Demat Roop Me Nivesh Karne Ki Anumati Deta Hai. Ek Baar Khareeda Gaya Bond Aath Saal Baad Hi Paripakv Hota Hai. Halanki, Aap Iske Jaari Hone Ke Panchven Varsh Ke Baad RBI Ke Jariye Bhi Bech Sakte Hain.
Aap SGB Ko Panchven Varsh Se Pahle Bhi Share Bazaar Me Bech Sakte Hain. IT Department Me Batani Hogi Anya Kamai.
Yadi Aap Apni SGB Ikaiyon Ko Exchanges Par Bechne Ki Yojna Bana Rahe Hain Ya Aapne 2016 Me Isme Nivesh Kiya Hai To Yah Ab Paripakv Ho Gayi Hai Aur Aap Paise Le Sakte Hain. Lekin, Isse Bhunane Se Pahle Aapko Is Par Lagne Vale Tax Ko Bhi Jaanna Zaroori Hai.
Aisa Isliye Hai Kyunki RBI Kisi Paise Ke Bhugtan Se Pahle Kar Nahi Lagata Hai. Halanki, Aapko Apna Return Daakhil Karte Samay Karon Ka Bhugtan Karna Hoga. Is Byaaj Ko Aapko Kar Return Mein Anya Aay Ke Column Mein Dikhana Hoga.
Maan Lijiye Ki Aapne 2016 Vale Bond Mein 2.92 Lakh Ka Nivesh Kiya Tha. Ab Aap Isse Bhunana Chahte Hain To Aapko 7.24 Lakh Rupees Milega. Isme Sone Ke Moolya Ke 6.6 Lakh Rupees Ke Alawa 64,152 Rupees Ka Byaaj Shamil Hai.
Capital Gains Par Milti Hai Chhoot
SGB Nivesh Agar Aap Paripakvta Tak Rakhte Hain To Is Par Capital Gain Par Chhoot Milti Hai. Chunki Aapne Bond Ko Paripakv Hone Tak Apne Paas Rakha Tha, Isliye Aapko Sone Ki Kimaton Mein Badhotri Ke Roop Mein Prapt 6.6 Lakh Rupees Par Koi Kar Nahi Dena Hoga.
Saal Mein Do Baar Milne Wala Byaaj Aapki Aay Mein Joda Jata Hai Aur Tax Slab Ke Anusar Tax Lagaya Jata Hai. Isliye Yadi Aap 30 Percent Ke Tax Daayre Mein Hain, To Aapko SGB Byaaj Par Bhi 30 Percent Ki Dar Se Tax Dena Hoga.
Nivesh Salahakar Archana Pandey Ne Kaha Ki SGB Har Kisi Ke Nivesh Ke Liye Achha Sadhan Hai. Isme Sone Ki Badhotri Ki Kimaton Ka Labh Milne Ke Saath Ek Nischit Byaaj Bhi Milta Hai. Sone Ki Shuddhata Aur Ise Rakhne Ki Bhi Chinta Nahi Rehti Hai.